Qazaqstan Respýblıkasynyń Konstıtýsııalyq Zańy №340-V QRZ

Qazaqstan Respýblıkasynyń keıbir konstıtýsııalyq zańdaryna azamattyq prosestik zańnamany jetildirý máseleleri boıynsha ózgerister men tolyqtyrýlar engizý týraly 1-bap. Qazaqstan Respýblıkasynyń myna konstıtýsııalyq zańdaryna ózgerister men tolyqtyrýlar engizilsin: 1. «Qazaqstan Respýblıkasyndaǵy saılaý týraly» 1995 jylǵy 28 qyrkúıektegi Qazaqstan Respýblıkasynyń Konstı­týsııalyq zańyna (Qazaqstan Respýblıkasy Joǵarǵy Keńesiniń Jarshysy, 1995 j., №17-18, 114-qujat; Qazaqstan Respýblıkasy Parlamentiniń Jarshysy, 1997 j., №12, 192-qujat; 1998 j., №7-8, 71-qujat; №22, 290-qujat; 1999 j., №10, 340-qujat; №15, 593-qujat; 2004 j., №7, 45-qujat; 2005 j., №7-8, 17-qujat; 2006 j., №23, 138-qujat; 2007 j., №12, 85-qujat; 2009 j., №2-3, 5-qujat; 2010 j., №11, 55-qujat; 2011 j., №3, 30-qujat; 2013 j., №17, 84-qujat; 2014 j., №16, 89-qujat): 1) 26-baptyń 4-tarmaǵynyń tórtinshi sóılemi mynadaı redaksııada jazylsyn: «Sheshimge saılaý komıssııasy ornalasqan jerdegi tıisti sotqa shaǵym jasalýy múmkin, sot shaǵymdy kelip túsken kúni qaraıdy.»; 2) 49-baptyń birinshi bóligi mynadaı redaksııada jazylsyn: «Sottar men prokýratýra organdary saılaý komıssııalary músheleriniń, azamattardyń, zańda belgilengen tártippen tirkelgen qoǵam­dyq birlestikter ókilderiniń daýys berýdi ótkizý máselelerine qatysty, onyń ishinde saılaý týraly zańnamanyń buzylýy týraly saılaýǵa daıyndyq jáne ony ótkizý kezeńinde kelip túsken aryzdaryn qabyldaýǵa, eger osy Konstıtýsııalyq zańda ózgeshe kózdelmese, olardy – bes kún merzimde, al daýys berý aldyndaǵy bes kúnge jetpeıtin ýaqyt ishinde jáne daýys berý kúni kelip túskenderin dereý qaraýǵa mindetti.»; 3) 59-baptyń 7-tarmaǵynyń ekinshi bóligi alyp tastalsyn; 4) 73-baptyń 6-tarmaǵynyń ekinshi bóligi alyp tastalsyn; 5) 82-baptyń 2-tarmaǵynyń ekinshi sóılemi mynadaı redaksııada jazylsyn: «Bul rette Senat depýtattyǵyna kandıdat Ortalyq saılaý komıssııasynyń osy sheshimine qabyldanǵan kúninen bastap on kún ishinde Joǵarǵy Sotqa shaǵym jasaı alady, ol on kún merzimde túpkilikti sheshim qabyldaıdy.»; 6) 89-bapta: 6-tarmaqtyń 5) tarmaqshasynyń toǵy­zyn­shy abzasy mynadaı redaksııada jazylsyn: «Partııalyq tizimge engizilgen adamdy osy tizimnen shyǵarý týraly sheshimge partııalyq tizimdi usynǵan saıası partııa ne partııalyq tizimnen shyǵarylǵan adam Joǵarǵy Sotqa shaǵym jasaı alady, onyń sheshimi túpkilikti bolyp tabylady.»; 7-tarmaq mynadaı redaksııada jazylsyn: «7. Partııalyq tizimdi tirkeýden bas tartýǵa nemese ony tirkeý týraly sheshimniń kúshin joıýǵa jeti kún merzimde Ortalyq saılaý komıssııasyna jáne (nemese) Joǵarǵy Sotqa shaǵym jasaýǵa bolady. Bul rette Ortalyq saılaý komıssııasy nemese Joǵarǵy Sot shaǵym berilgen kúnnen bastap jeti kún merzimde shaǵym boıynsha sheshim shyǵarady. Qazaqstan halqy Assambleıasynyń Keńesi usynǵan kandıdatty tirkeýden bas tartýǵa nemese ony tirkeý týraly sheshimniń kúshin joıýǵa eki kún merzimde Ortalyq saılaý komıssııasyna jáne (nemese) Joǵarǵy Sotqa shaǵym jasaýǵa bolady. Bul rette Ortalyq saılaý komıssııasy nemese Joǵarǵy Sot bir kún ishinde shaǵym boıynsha sheshim shyǵarady.»; 7) 104-baptyń 6-tarmaǵynyń ekinshi bóligi alyp tastalsyn; 8) 118-baptyń 6-tarmaǵynyń ekinshi bóligi alyp tastalsyn. 2. «Qazaqstan Respýblıkasynyń sot júıesi men sýdıalarynyń mártebesi týraly» 2000 jylǵy 25 jeltoqsandaǵy Qazaqstan Respýblıkasynyń Konstıtý­sııalyq zańyna (Qazaqstan Respýblıkasy Parlamentiniń Jarshysy, 2000 j., №23, 410-qujat; 2006 j., №23, 136-qujat; 2008 j., №20, 77-qujat; 2010 j., №24, 147-qujat; 2012 j., №5, 38-qujat; 2014 j., №16, 89-qujat; №21, 119-qujat): 1) 11-baptyń 3-tarmaǵy mynadaı redak­sııada jazylsyn: «3. Mynalar: 1) jalpy otyrys; 2) jalpy otyrystyń tóralqasy; 3) azamattyq ister jónindegi sot alqasy; 4) qylmystyq ister jónindegi sot alqasy oblystyq sottyń organdary bolyp tabylady. Sot alqasyn osy Konstıtýsııalyq zańda belgilengen tártippen laýazymǵa taǵaıyn­dalatyn tóraǵa basqarady.»; 2) 14-bapta: 1-tarmaqtyń 2) tarmaqshasy mynadaı redaksııada jazylsyn: «2) sot alqalarynyń otyrystarynda tóraǵalyq etýge quqyly;»; 2 jáne 3-tarmaqtar mynadaı redaksııada jazylsyn: «2. Oblystyq sot tóraǵasynyń ókilet­tikteri merziminen buryn toqtatylǵan nemese ókilettik merzimi aıaqtalǵan jaǵdaıda tóraǵanyń mindetterin ýaqytsha atqarýdy Joǵarǵy Sot Tóraǵasy oblystyq sottyń sot alqalary tóraǵalarynyń birine júkteıdi, al sot alqalarynyń tóraǵalary bolmaǵan jaǵdaıda oblystyq sot tóraǵasynyń mindetterin ýaqytsha atqarý oblystyq sottyń sýdıasyna júkteledi. 3. Oblystyq sottyń tóraǵasy ýaqytsha bolmaǵan jaǵdaıda mindetterdiń atqarylýyn oblystyq sottyń tóraǵasy oblystyq sottyń sot alqalary tóraǵalarynyń birine júkteýdi júzege asyrady, al sot alqalarynyń tóraǵalary bolmaǵan jaǵdaıda oblystyq sot tóraǵasynyń mindetterin ýaqytsha atqarý oblystyq sottyń sýdıasyna júkteledi.»; 3) 15-baptyń 2-tarmaǵy mynadaı redaksııa­da jazylsyn: «2. Sot alqasynyń tóraǵasy oblystyq sot tóraǵasyna sot alqasynda mamandandyrylǵan quramdar qalyptastyrý jóninde usynystar engizedi.»; 4) 18-baptyń 3 jáne 6-tarmaqtary mynadaı redaksııada jazylsyn: «3. Mynalar: 1) jalpy otyrys; 2) jalpy otyrystyń tóralqasy; 3) azamattyq ister jónindegi sot alqasy; 4) qylmystyq ister jónindegi sot alqasy; 5) mamandandyrylǵan sot alqasy Joǵarǵy Sottyń organdary bolyp tabylady. Sot alqasyn osy Konstıtýsııalyq zańda belgilengen tártippen laýazymǵa taǵaıyn­dalatyn tóraǵa basqarady.»; «6. Joǵarǵy Sottyń janynan ǵylymı-konsýltatıvtik keńes, halyqaralyq keńes jáne baspasóz organy qurylady.»; 5) 20-baptyń 1-tarmaǵynyń 2) jáne 5) tarmaqshalary mynadaı redaksııada ja­zylsyn: «2) sot alqalarynyń otyrystarynda tóraǵalyq etýge quqyly;»; «5) Joǵarǵy Sottyń jalpy otyrysynyń bekitýine Joǵarǵy Sottyń jalpy otyrysy Hatshysynyń, ǵylymı-konsýltatıvtik jáne halyqaralyq keńester músheleriniń kandıdatýralaryn engizedi.»; 6) 22-baptyń 1-tarmaǵynyń 7) jáne 7-4) tarmaqshalary mynadaı redaksııada jazylsyn: «7) Joǵarǵy Sot Tóraǵasynyń usynýy boıynsha jalpy otyrystyń hatshysyn, ǵylymı-konsýltatıvtik jáne halyqaralyq keńesterdiń quramdaryn bekitedi, sondaı-aq jasyryn daýyspen Sot jıýrıin saılaıdy;»; «7-4) Joǵarǵy Sot janyndaǵy ǵylymı-konsýltatıvtik jáne halyqaralyq keńester týraly erejelerdi bekitedi;»; 7) 22-1-baptyń 2-tarmaǵyndaǵy «qadaǵalaý» degen sóz alyp tastalsyn. 2-bap. Osy Konstıtýsııalyq zań 2016 jylǵy 1 qańtardan bastap qoldanysqa engiziledi. Qazaqstan Respýblıkasynyń Prezıdenti N.NAZARBAEV Astana, Aqorda, 2015 jylǵy 31 shilde №340-V QRZ